Traditional Fire Arm Experience Para Tourist Khan Ke Attract Kurishey, Kisama Tey

December 08, 2024, 05:48 PM : Itu muzzle para load kuria laga shoot kuria laga experience tey toh hoiley ekta barit haka interest dikhiboley parishey, itu tourist khan laga majetey, durr para aha khan aru osor laga khan bhitor tey. Itu traditional activity toh deep para root thaki kena asey, local heritage tey, kuntu toh hoiley ekta unique attraction hoijaishey, itu Hornbill Festival laga homoi tey, Kisama tey. Duita Konyak gunsmith khan, Changlangshu village, Mon district para, K. Moba aru Nyeiba toh 35 saal laga experience bukhi kena, gun banawa tey, tai khan toh hoiley dukan banaishey Craftscape, Kisama tey, itu traditional tarika showcase kuri kena, bonduk banawa laga. Tai khan laga saman toh hoiley quality aru durability thaka karney manu khan jani pai thakey, manu khan, kuntu toh hoiley Nagaland pura tey bikai thakey aru state bahar tey bhi. Tai khan toh hoiley special order khan bhi loi thakey, request khan kurishey koiley aru tai khan kaga jaga tey hey banawa bhi banai thakey. Single barrel gun khan toh 8,500 rupees laga daam asey, aru double barrel laga gun khan toh 18,000 rupees laga daam asey koishey.