December 19, 2024: MLA & Advisor, Department of Social Welfare, Wangpang Konyak para Jal Jeevan Mission pitor deh Awaho Reservoir Tank keh inaugurate kuri shae, Tammong Village deh. Inuaguration tho 19th December 2024 din deh kuri shae.
Function deh kotha kuri nah, Advisor para sob initiators, village elders, department aro Mon Village Council keh taila kushi tho janai di shae, bosti deh water supply connectivity tho successfully complete kura karne. Tai para etu tho sob manu eki lokot deh kam kura karne ase kui shae. Tai para bosti manu kan keh pani baja bole hiki b kui shae, pani komti nahu bo karne. Tai para nutun recognized hua Tammong bosti tho government laka facilities pabo leh blesses aro lucky ase kui shae. Water Tank tho T. Manto Pastor, Tammong Baptist Fellowship para dedicate kuri shae.
Er. Lutho Katiry, EE PHED Mon para bosti manu kan keh aro responsible citizen taki bole hudi shae, preserve, protect aro bosti deh water supply tho bhal para sab oleh cooperate kuri bo karne.
Mon Village Council, Y. Tingyeih VCM aro CM. Joseph, Chairman WATSAN para Chutu Speeches kan di shae. Program tho Wanglem, Council Secretary para chair kuri shae. N. Lemnyei H/GB para welcome address tho deliver kuri shae aro Special no. tho Tammong Youth para present kuri shae.
Add Comment