December 19, 2024: Advisor for Agriculture, Mhathung Yanthan para 29th Winter Cricket Challenge laka opening ceremony keh grace kuri shae, kuto Senior noble Klan (SNK) para local ground Wokha deh organize kuri shae, 19th December 2024 din deh.
Gathering keh address kura time deh, Yanthan para Nagaland deh sobse purana cricket tournament ekta host kura karne organiser keh congratulate kuri shae. Tai para etu tournament karne Wokha town laka manu kan keh bishi uthai di shae kui shae aro bishi sal karne etu cricket tournament tho unity, talents laka bacon hui jai shae kui shae.
Organizers keh praise kuri nah, tai para etu nishi nah initiatives kan cricket tho khali ekta game heh nahoi nah, ekta platform kui nah dikai kui shae, society deh positive change influence kuri bo.
Yanthan para players kan keh etu tournament tho passion aro sportsmanship lokot deh lobo leh encourage kuri shae aro taikan laka best d b kui shae, taikan laka team karne.
Deputy Commissioner & Chairman District Sports Council, Wokha Vineet Kumar (IAS) para cricket deh career development karne dangor potential ase kui shae aro India deh bishi sports opportunities b ase kui shae. Tai para SKN keh taila gratitude di shae, jawan players kan keh etu platform dia karne.
Lansothung Shitiri, RFO Doyang Beat/Doyang Afforestation Range Wokha, “Green Cover Drive” laka theme deh kotha kuri nah, “Green Cover Drive” tho mukan laka natural resources keh preserve kuri bole lakeh kui nah kotha kuri ase kui shae. Mukan sob laka actions para ekta dangor impact bana bole pareh kui shae tai para.
Nagaland deh, mukan tho breathtaking natural beauty lokot deh blessed ase. Mukan alka forest rivers aro wildlife kan khali pride karne nahoi nah, mukan laka ecosystem laka ekta zaruri part b ase. Hoile b mukan alak alak environmental challenges kan face kureh, deforestation para habitat loss tak, tai para kui shae. Tai para jawan cricketers kan keh taikan ekta difference bana bole power ase kui shae.
Sob milai nah etu sal laka tournament deh 13 teams part lui ase. Program tho Leornard Mozhui para chair kuri shae aro vote of thanks tho Organising Secretary SNK Khyolamo Humtsoe para propose kuri shae.
Add Comment