December 19, 2024: Thursday din deh France laka ekta court para Gisele Pelicot laka ex-husband keh maximum 20 sal karne jail deh taki bole sentence kuri shae, taike drug aro rape kura karne aro alak mota kan keh taike rape kuri bole dia karne. Etu abuse tho ekta decade nishi nah karne hui taki shae.
Dominique Pelicot laka against sentence tho taila against sob charges deh guilty pah piche deh declare hua ase. 72 sal deh tai etu sentence pah maneh, tai taila bacha life tho prison deh pita bo pareh.
Verdict tho court laka lead judge para puri shae, Avignon, Roger Arata deh. Arata Pelicot aro alak 50 mota laka against ekta ekta verdict puri shae, tai tho Mme laka manu keh aggravated rape kura karne guilty ase kui nah declare kuri nah.
Gisele Pelicot tho courtroom laka ekta side deh bui nah taki shae, defendants keh face kuri nah. Enaka time deh Arata para ekta ekta verdict puri taki shae.
Etu historic case para France keh hilai di nah ase, bishi mohina karne. Dominique Pelicot para tai, taila 50 sal laka maike keh drugs lokot deh knock out kuri shae kui nah admit kuri shae, tai aro alak manu kan, maike keh abuse kuri bo karne.
Add Comment