December 19, 2024: Hanoi, Vietnam deh taka ekta café deh ekta suspected arson hamla hua tho 11 jun muri jai shae, jui para. Etu jui tho Wednesday rati para shuru hui shae aro police para ekta mota keh arrest kuri nah ase, kun para allegedly jui keh shuru kuri shae, Vietnam laka Ministry of Public Security para Thursday din deh kui shae.
Policer para rescue workers kan building para satha manu keh zinda ani bole pari shae kui shae. Tateh para tuijun keh phat ekta osor deh taka hospital deh lui jai shae, AL Jazeera para report kuri shae.
“Enaka time deh, manu kan bishi motot karne hala kura diki shae, hoile b jui tho phat spread hua karne mukan jab oleh para nai. Ladder taki nah b mukan uthi boel para nai,” ekat witness para kui shae.
Police para ekta statement deh arrest kura manu tho jui shuru kuri bole gasoline chui shae kui nah confess kuri shae kui shae, Reuters para report kuri shae. Suspect tho early 50s deh ase, state run Tien phong newspaper para report kuri shae.
Wednesday 11 pm deh jui tho police keh report kuri di shae. “Jui para sob exits keh bon kuri di shae. Gasoline laka ghun tho bishi kara taki shae,” ekta witness para Tien Phong paper keh kui shae.
Add Comment