Mexico, 14 January : Colombia laga captain aru ex-Real Madrid star James Rodriguez Mexico laga Club Leon join kurise, La Liga side Rayo Vallecano logot ekta chhutu aru unsuccessful stint hobo pichete, itu club khan Monday din announce kurise.
Former Bayern Munich aru Monaco laga playmaker Rodriguez Rayo join kurise free te season laga surute, kintu Madrid club nimite sirf chhoi league appearances kurise. Club Rayo Vallecano tai ke “best of luck” diyapichete tai ke farewell kurise.
Club Leon Rodriguez laga transfer unveil kurise ekta dramatic video logot, junte Rodriguez ekta fleet-footed Roman gladiator nishina roar kuribo crowd ke entertain kurise.
33 saal laga Rodriguez tai laga new fans ke greet kurise ekta chhutu video te, junte tai already Mexico te thaikina ase “bishi utsah aru excitement logot” buli announce kurise.
Rodriguez player of the tournament thaikise junte Colombia last year Copa America te runners-up hobo laga performance kurise aru 2014 World Cup te Golden Boot jitishe.
Real Madrid logot, Rodriguez duta La Liga title aru duta Champions League trophies uthaise, aru Bayern Munich te loan spell thakite duta Bundesliga trophies bhi jitise.
Add Comment