Nagaland

Preparation of cadre of professional paper setters nimitey dimapur te ekta workshop rakhishey

January 17, 2025
3 Views

Nagaland Board of School Education (NBSE) para Performance Assessment, Review and Analysis of Knowledge for Holistic Development (PARAKH), NCERT, New Delhi logotey milikina AIDA Training Centre, Don Bosco Campus, Dimapur te  3 day workshop organise kurisey. Etu workshop tu Mathematics aro Sience teacher khan nimitey “Capacity Building for Preparation of Cadre of Professional Paper Setters” opor te thakisey. Aro Dimapur, Chumoukedima, Niuland, Peren aro Mon district nimitey 13th-15th January 2025 taak rakhisiley. Etu workshop te purapuri 49 Mathematics teacher aro 44 Science teacher participate kurisey.

First dui-din nimitey resource person tu Abhishek Kariwal, Open Door Education laga Co-founder aro Kamal Gurnami, Open Door Education thakisey.

Open Door Education laga headquarter tu Bangalore te asey. Aro etu tu pura desh tea lag alag school khan logotey kaam kurikina ahiasey. Assessment khan loikina aro student khan ke assessment laga nutun-nutun tarika cholaikina gehra bhabna kuribole modod korey. 

National Education Police (NEP) 2020 tu kitab memorize kurikina pora tu hataikina concept bujikina learn kora laga importance te jor disey. Etu bodli achieve kuribole laga ekta jaruri kadam tu curriculum te Competency-Based Questions (CBQs) include kora asey. Purana jamana laga question nisna nohoikina, CBQ tu student khan laga ability ke taikhan para ki sikhey etu nutun aro najikina thaka concept te cholabole te focus korey. Aro sob topic ke khali information hey nohoikina ekta skill nisna treat korey.  Etu question khan laga asol goal tu student khan taikhan laga knowledge aro skill kea sol-duniya laga problem khan solve kuribole cholabo parey na nai etu sabole asey.

Third din nimitey resource person tu PARAKH, NCERT, New Delhi para Priyanka Singh aro Vivek Gupta thakisey. Taikhan tu 15th January 2025 te “Question Paper Standardisation” te kotha kurisey. Taikhan para cover kora kunba topic khan tu ‘The Equivalence of Boards Report Results, Characteristics and Foundations of a Balanced Question Paper, Preparation of Assessment Design and Question Paper Blueprint thakisey.

Etu ekey programme tu Kohima, Tseminyu, Wokha, Mokokchung aro Phek laga teacher khan nimitey bi conduct kuribole asey, SIEMAT, SCERT, Kohima te, 16 para 18 January tak, ekey resource person khan logotey.