Chennai, 6 February : Ed Sheeran laga Chennai concert ekta unforgettable rati banei dise jitu te pop artist Ed Sheeran composer AR Rahman ke stage te invite kuri dise, aru itu moment te audience pura khushi para celebrate kuri dise. Itu surprise collaboration te Ed Sheeran laga global hit Shape of You aru AR Rahman laga classic Urvasi Urvasi laga mesmerizing mashup perform kuri dise.
Ed Sheeran Shape of You gabo thakile, AR Rahman Urvasi Urvasi laga iconic chorus join kuri dise. Itu performance te crowd pura energy te explode hoise, duta musical legends laga epic collaboration dekhibole paiki. Instagram te Ed Sheeran itu moment share kuri, likhi dise, “What an honour @AR Rahman (sic).”
Fans itu collaboration dekhi bohut khushi hoise. Ketu fans tai laga concert experience comment te share kuri dise, aru dosra manu itu moment witness kuri bole naparibo karone lament kuri dise. Ekjon user likhi dise, “How lucky is Chennai.”
Concert shuru kora age, Ed Sheeran AR Rahman aru tai laga son AR Ameen logot meet kuri dise. Rahman Instagram te tai laga pictures share kuri dise. Ekta photo te dukhon sofa te bohi thakise, aru dusra photo te Rahman tai laga music console te ase aru Ed Sheeran tai laga photo tulise. Rahman caption te likhi dise, “Photos by Ed Sheeran.”
Ed Sheeran laga Chennai performance tai laga six-city India tour, The Mathematics Series, laga part ase. Itu tour January 30 te Pune te shuru hoise. British singer February 2 din Hyderabad laga Ramoji Film City te bhi perform kuri dise. Agor cities juntu Ed perform koribo ase tai majot Bengaluru, Shillong, aru Delhi ase.
Add Comment