Qatar Oil-Exporting Nations’ Group OPEC Charibo Ase

DOHA: Qatar Monday te koishe January 2019 para OPEC charibole ase. Hoile bhi Qatar, oil exporter group meeting attend koribole ase.  Qatar koishe Doha could toh duniya laga top liquefied natural gas (LNG) exporters hubole focus koribo paribo. Doha toh Organization of the Petroleum Exporting desh majote sobse chutu tail(oil) producers majote ekta ase. Minister of State for Energy Affairs Saad al-Kaabi Qatar news conference te koishe Qatar toh OPEC laga member 57 years para ase. Etu Thursday aro friday group meeting te attend koribo aro commitments khan sob rakhibo.Ekta OPEC source Reuters ke koishe etu decision toh dushra decision sob para bishi symbolic ase. Qatar toh dangor producers nohoi, hoile bhi OPEC history te dangor part ase.Qatar toh din(day) te 600,000 barrels tail(oil) laga output produce kore. Saudi Arabia toh 11 million barrels din te produce kore. Saudi Arabia toh group te sob para dangor tail(oil) bana desh ase aro duniya laga sob para dangor extorter ase. Hoile bhi Doha toh duniya laga LNG market te influential player ase. Doha saal te 77 million tones LNG produce kore. Fuel laga dangor reserves toh Gulf te ase.  OPEC members, Saudi Arabia, United Arab Emirates, Arab states Bahrain aro Egypt June 2017 para Qatar opor te political aro economic boycott impose korishe. Qatar opor te atank(terrorism) support kora inzam dishe. Doha etu charges mana korishe. Al-Kaabi koishe ami khan tail(oil) aro gas business te dangor naam koribo.Al-Kaabi  koishe Qatar Petroleum tai laga production toh 4.8 million para 6.5 million barrels bishi koribo. Etu increase toh dos(ten) saal majote koribo. Doha Middle East jaga te sob para dangor ethane cracker hubo koishe.