Guwahati, 18 February : IIT Guwahati sustainable biotechnology te ekta dangor step luishe, juntu K.N. Bioscience (India) Pvt. Ltd. logot ekta Memorandum of Understanding (MoU) sign kuri dise, Spirulina biomass pora C-Phycocyanin production laga large-scale commercialisation nimite.
Tuesday din MoU sign kurise IIT Guwahati laga Dean of Research & Development, Prof. Rohit Sinha, aru K.N. Bioscience laga Founder aru Managing Director, Sudha Reddy. Itu program te lead scientist Prof. Debasish Das bhi thakise, juntu innovative technology develop kurise.
Itu collaboration laga main aim ase C-Phycocyanin production laga high cost aru inefficiencies solve kuri bole. Itu natural blue pigment, juntu Spirulina pora extract kora hoi, food colorant, nutraceutical compound, fluorescent marker, aru cosmetic ingredient hisab te bishi use kora hoi. Kintu production aru purification laga excessive cost karone, itu laga widespread use limited thakise.
IIT Guwahati laga breakthrough technology pura process—cultivation pora purification tak—streamline kurikene, energy-efficient, cost-effective, aru fast banai dise, juntu traditional methods pora bishi better ase.
Technology te Spirulina biomass yield improve kora hoise aru Spirulina filaments te phycocyanin concentration enhance kora hoise. Purification process te harmful solvents use nohoi, juntu environment-friendly process banai dise. Itu technology pora total intracellular yield paise aru ekbar te analytical purity reach kurikene purify kuribo parise.
Lead scientist Prof. Debasish Das koise ki itu nava technology industries ke synthetic pora natural, sustainable additives te shift kuribo nimite help kuribo, aru high-purity C-Phycocyanin more affordable aru accessible banai dibo.
Itu prothom bar ase ki ekta indigenously developed phycocyanin technology ekta Indian company ke transfer kora hoise, juntu India laga biotechnology sector karone ekta dangor milestone ase.
IIT Guwahati aru K.N. Bioscience laga itu collaboration Indian companies karone high-value microalgal products field te nava opportunities khuli dibo, aru India laga global biotechnology market te position aru majbut kuribo.
K.N. Bioscience laga Managing Director, Sudha Reddy, itu technology laga low-cost, scalable, aru environmentally sustainable features uporte focus kuri koise ki itu different industries te long-term impact thakibo.
IIT Guwahati microalgal biotechnology te aage pora forefront te thakise, aru itu MoU academia-industry collaborations nimite ekta successful precedent set kurise.
Itu partnership India laga bioeconomy aru biomanufacturing goals logot milikene job creation aru eco-friendly biotechnological advancements ke promote kuribo.
Technology laga downstream process karone patent grant kora hoise, aru different scale te successful trials hoapiche, itu technology commercial viability logot almost ready ase, juntu Technology Readiness Level (TRL) 6 pora indicate kuri ase.
Add Comment