March 01, 2025, 05:34 PM: Itu Nagaland Government Registered Class -1 Contractors Union (NGRC-1CU) toh hoiley itu Nagaland Foothill Roads Construction Committee (NFHCC) para contractor khan ke pressure kuri thakishey, kun khan toh mega project tey involve thaki kena asey, alagsa agreement sign kuriboley, itu Committee logotey.
Ekta normal practice tey, ekta contract agreement toh hoiley asol toh itu contractor aru itu concern department majetey hey sign kurey. Itu contract agreement khan, kuntu toh hoiley moi khan bisas kuri asey, itu toh hoiley itu government para diligence para draft kuri kena thaka laga asey, kuntu toh hoiley definitive document khan hisap serve kuriboley, sob lagi thaka matter khan nimitey, project toh khotom kuriboley laga diri kuria, quality standard khan aru payment issue khan laga bhi milai kena.
Itu NGRC-1CU para assert kurishey ki, contractor khan ke itu foothill raasta laga project toh award kuria toh diligent para aru sincere para itu ambitious project toh kotom kuriboley. Moi khan bisas kuri asey ki, itu alag ki ki laga alag organization involve thaka itu contract laga kaam tey, especially joborjoti para, toh misa=mishi laga confusion banabo parey aru itu dream project implement kuria tey dikdari dibo parey.
Itu Union para NFHCC laga objective ke appreciate kurishey, itu contract laga kaam monitor kuriboley thaka karney, aru moi khan tai khan para bhal para sai diboley thaka ke encourage kuri asey. Eneka thakilebi, moi khan bhal para request kuri asey ki, tai khan toh eneka nishina ki ki laga pressure toh nadibi koi kena, contractor khan ke, kun khan toh ekta alag agreement tey gusha nai koiley.
Add Comment