Nagaland

AICC National Coordinator aro Nagaland Congress leader Rajesh Kumar Sethi 

March 6, 2025
4 Views

All India Congress Committee National Coordinator aro Nagaland Congress leader Rajesh Kumar Sethi para National Highways Department aro mondikina kaam kora contractor ke Dhobinala Junction para loikina GS road taak, Station Road aro Tragopan Junction taak extend kurikina,  bisi lamba homoi para pending hoikina thaka National Highway 36 road laga construction tu akhirkar suru kuridiya nimitey  tai aro tailaga party laga taraf para pura mon para khusi jataisey. Etu important rasta bana project tu 20 years picheyte suru kuriasey, kuntu ke banabole manu khan bisi lamba homoi para demand kurithakisey. 

Utu homoitey Nagaland PCC Minority Department laga Chairman thaka Rajesh Kumar Sethi para 2021 para loikina bar-bar etu laga mamla uthai thakisey. Tai para Union Minister Nitin Gadkari ji laga ministry ke bisi representation aro tweet bi kurisiley. Etu agyete, 2020 te, Shri K. Therie tu NPCC aro Dimapur DCC laga Presdient homoitey etu bisi saal para neglect kurikina thaka rasta te joldi dhyan dibole demand kurikina protest bi kurisiley. 

Sethi para koisey ki bisi saal meeting, representation aro protest khan huwa picheyte, etu bisi lamba homoi para nuchuikina thaka rasta ke banabole laga kaam akhirkar suru huwa tu dikhibole para tu hosa bi bisi mon khusi kuridiya laga kotha asey. 

Sethi para koisey, National Highways Department para contractor logotey milikina etu rasta bana laga kaam suru kuridiya nimitey taikhan tu ekta special recognition deserve korey. Taikhan etu kaam te mondikina kaam kora para infrastructure development te taikhan laga commitment thaka tu dikhaia sey, kuntu para utu area te thaka manu aro aha-juwa kora manu khan ke faida pungchabole asey. 

Sethi para etu ekdam dorkar thaka project ke hosa te bodli kuridiya te shamil thaka sob manu ke pura mon para dhanyabad janaisey.

Home department para inform kurisey

Home department para inform kurisey ki Nagaland Civil Secretariat tey security upgrade kuribole,Sob car pass holders gate No.1 chola khand high frequency (uhf) Tag ulabole pare tai khan aga details prescribe formate tey fill kurigina Home Department (SAB-A) tey nohoiley 25 th march 2020 agotey.

UHF tagged gate pass tu automatic mode te 1st April 2025 para compulsorily implement hobo. Aro UHF tag nathaka gari khan ke Gatr No. 1 bhitor te gusibole nidibo.