Assam Rifles para PHEK te ekta medical camp rakhisey

Assam Rifles para Ngaland laga Phek district te thaka Razeba busti te Operation Sadbhavana under te ekta Special Medical Camp conduct kurisey. Etu medical campt tu “Building Goodwill and Community Harmony” laga theme te organize krisiley. Etu camp laga maksat tu busti manu khan ke ekta lamba aro bhal healthcare service dibole laga thakisey. Etu medical camp tu Razeba busti te Primary Health Centre logotey milikina conduct kurisiley. Etu health centre para blood sugar check kurikina non communicable(matlab ekjun manu para dusra manu te transfer nuhuwa bimar) screening test kurisiley aro khas dhyan tu diabetes sceening aro treatment te disey. Etu medical camp laga aim tu community spirit jagabole, health laga bari te jankari feilabole aro Assam Rifles aro local community majotey rishta majboot banabole thakisey. Etu camp para busti laga 125 manu ke laabh pungchaisey, kuntu te 60 maiki, 61 mota aro 4ta baccha thakisey. Etu medical camp para tatey aha manu khan ke health laga alag-alag topic jaiseki nutrition, saafa safi thaka aro vaccination laga importance laga bari te sikhaisey.