Dimapur seher tu Nagaland state laga commercial capital asey koikina jana jai. Hoilebi yatey bisi traffic jam hoi. Dimapur seher te traffic jam tu olop saal te aro bisi-bisi bari asey. Tarffic aha-juwa kora tu bisi astey hoi asey kuntu para aha-juwa kora te diri koraidiye. Rasta khan tu bisi tight hoi asey. Aro private gari, auto-rickshaw aro dui-chaka gari khan para aro bisi jam korai di asey. Etu logotey, rasta ke bhal para expand nokora aro dusra rasta nathaka para etu problem te aro bisi baraidisey.
Traffic jam ke control kora te olop agey bara laga bawajut Dimapur tu etya tak bi etu logotey bhal para deal kuribole dukh pai asey. Hodai din chutu aro jam hoikina thaka rasta ke par kuribole laga kaam para time aro tail duita bi waste kuridiye. Traffic police nohoile traffic management system ke botnam kuribole asan asey hoilebi etu problem laga asol karon tu bisi deep asey. Public laga vote aro report khan para bar-bar traffic laga nyom nochola, etu ke aro strict para lagu kuribole laga jarurat aro traffic police khan para diktar face kora laga bari te janai asey. Hosa kobo koiley, Dimapur seher laga structure bodli nukurikina rasta dangor kuribole nimitey toh jadu nohoiley smart engineering laga dorkar hobo.
Dimapur te population bisi joldi barithaka para traffic laga problem aro baraidisey. Nijor laga private gari thaka tu bisi manu nimitey ameer huwa laga kotha nohoi hoilebi ekta necessity(ji hoilebi lagiya) la asey. Dimapur laga gorom weather nimitey bisi bhak manu tu auto te aha-juwa korey. Hoilebi, yatey laga manu khan laga attitude bi etu te ekta important role play korey. Bisi aha-juwa kora manu khan para Dimapur laga traffic management biya asey koi-asey. Hoilebi Dimapur laga rasta khan te manu khan wrong side para overtake kora, galat lane te park kora, signal indicator nochola nisna bisi aam golti khan dikhibo parey.
Hoi problem ke identify kuribole jaruri asey hoilebi solution te focus kora bi equally jaruri asey. Solution nibisarikina eney problem laga bari te koi thaka tu eku kaam te nahibo.
Dimapur laga traffic problem tu ekta bisi mushkil mamla asey kuntu te logalog aro sob milikina action lobo lagey. Hoi authorities khan para rasta khan bhal para bana aro traffic management te focus kuribo lagey hoilebi yatey laga manu khan bi nijor laga zimidari bujikina nijor laga golti manibo lagey.
Dimapur laga traffic problem ke address kuribole nimitey nyom bana manu, authorities aro yatey laga manu khan laga effort lagey.
Traffic jam nimitey manu khan laga gao aro environment te biya asar huwa tu bisi bhak nazarandaz kuridiye. Pollution, accident aro etu logotey jurikina thaka khatra te sob manu ke janabole nimitey awareness feilabo lagey. Traffic jam te faiskina thaka gari khan laga dhunga para hawa letra hoi aro etu gari te buhithaka manu khan laga stress aro kaam nimitey diri huwa laga chinta para taikhan laga gao ke effect korey.
Traffic jam laga solution olabole nimitey, kun manu khan bisi gari cholaithakey taikhan para khali traffic rules ke follow kurikina aro gari right way para cholaikina modod kuribo parey.
Add Comment