‘Science Laga American Man’ Dr. Senkalong Yaden, Muri Jaishey

March 16, 2025, 06:55 PM: Dr. Senkalong (Senka) Yaden kun toh hoiley, sob para purana Naga asey, itu United States tey, tai toh hoiley tai-laga ghor tey para murishey, Tyler Texas tey, South Central region tey, itu United States laga, Friday laga shaam phaney. Tai toh hoiley 89 saal laga thakishey, koishey. Tai toh hoiley April 21, 1935 tey jonom hoa laga thakishey, Dr. Senka toh hoiley Merangkong bosti laga manu asey koi asey, Mokokchung district under laga. Tai laga naam toh hoiley itu “American Men aru Women of Science” laga tey bhi listed thakishey aru tai ke bishi bhak toh “American Man of Science” koi kena jani pai thakey, koishey. Tai toh hoiley ekta bishi bhal para accomplish thaka academician asey, Dr. Senka tai laga life toh biology aru education laga filed tey dedicate kuridishey. Tai laga career toh ekta teach kuria laga assistant hisap thaki kena shuru kuria laga thakishey, biology tey. Minnesota laga University tey, 1961 tey, kotey tai char saal itu position bukhishey. 1967 tey tai ekta associate professor hoi jaishey, biology laga, Jarvis Christian College tey aru 1976 tey, tai ke itu science division laga chairman hisap tey appoint kurishey, itu same institution tey. Teen saal pichetey 1979 tey, tai ke biology laga professor hisap rakhi kena promote kuri dishey, Jarvis Christian College tey. 1981 para 1984 tak tey tai ekta senior science associate hisap thaki kena kaam kurishey, itu pharmacology laga department tey, itu Texas College of Osteopathic Medicine tey (kuntu tohh hoiley itya North Texas Health Science Center laga Univeristy, naam hoishey) 1985 tey, Parker University tey join kurishey, science laga associate professor hisap thaki kena, kotey tai 1986 tak serve kurishey. 1987 tey tai ekta associate professor hoi jaishey, Talladega College tey, aru itu pichetey tai biology department laga chairman aru biology laga professor hoi jaishey, 1988 tey, kuntu toh tai 1991 tak itu position toh bukhishey. 1993 pichetey tai Texas College tey biology laga professor hisap serve kuri thakishey, tai retirement nahoa tak.