Niuland Town Laga Church Colony Laga G.B. Para Chutu Bacha Muria Laga Opor Tey Clarify Kurishey, Tai Para Confirm Kurishey, Itu Toh Accident Asey Suicide Nahoi Koi Kena

March 23, 2025, 07:04 PM: Niuland Town laga Church Colony laga G.B. para Kupukivi Achumi muria laga opor tey clarify kurishey, tai para confirm kurishey, itu toh hoiley accident para muria laga asey koi kena, suicide nahoi. Itu ghatna toh hoiley tih 05:00 PM laga aas paas phaney hoa laga thakishey, March 22^nd, 2025 tey. Kupukivi laga parivar khan para bisas kuri asey, itu bacha khili thaka homoi tey scarf toh accident para tai laga gola tey phai kena tai itu jokhom pai kena muri jaishey. Itu bacha laga parivar khan bishi kusish kuria pichetey bhi Kupukivi ke bachaboley paranai. Kitya ghatna hoishey, ama aru grandmother dui jon bhi chuka tey hey thakishey, bhat pakai thaki kena, V. Shihoto Zhimo para koishey. Grandmother para Kupukivi toh bow down kuri kena thaka laga paishey, tai bhabhishey bacha toh hoiley ghumai asey, hoilebi tai jai kena check kuria homoi tey janiboley parishey ki, bacha toh hoiley saas naloi kena thakishey, V. Shihoto Zhimo para koishey. Itu muri jawa bacha late Kupukivi Achumi toh hoiley 10 saal laga bacha chukra thakishey, kun toh hoiley Shepherd High School laga student thakishey, Niuland Town laga. Tai laga funeral toh hoiley 23^rd March tey loishey.