March 24, 2025, 04:31 PM: Ekta significant milestone mark kuri kena, Kohima tey, World Tuberculosis Day 2025 celebrate kurishey, kiley koiley 12 bosti khan toh hoiley tai khan laga outstanding effort khan nimitey recognize kurishey, tuberculosis (TB) combat kuria tey.
First 100% TB free district hoboley laga vision logotey, itu achievement toh hoiley ekta strong example set kurey, alag manu khan nimitey, alag khan follow kuriboley.
Itu jama kuria khan ke address kuri kena, itu event tey, Kohima tey, 24th March, 2025 tey, Deputy Commissioner Kohima, B. Henok Buchem, NCS para itu bosti manu khan ke congratulate kurishey aru sustained commitment laga importance emphasize kurishey. Tai para state kurishey ki, itu TB eliminate kuriboley laga responsibility toh hoiley khali government laga nahoiley medical professional khan laga hey nahoi, hoilebi itu toh hoiley collective effort asey, kotey sob manu khan mili kena aru sob bosti khan laga role asey play kuriboley.
Itu Deputy Commissioner para sob bosti khan ke urge kurishey, itu 12 recognized thaka bosti khan para inspire hoboley karney aru tai khan laga community khan ke TB free kuriboley commit kuriboley koishey.
Itu saal Seiyha Phesa ke itu silver statue award kurishey, aru alag 11 bosti khan toh bronze statue receive kurishey, tai khan laga effort nimitey, TB eliminate kuriboley karney.
Itu recognize thaka bosti khan toh – Mezo Basa, Tseisema Bawe, Gariphema Bawe, Tuophe Phezou, Tseimekhuma Bawe, Seiyhama, New Terogvunyu, Z. Likwenchu, Tsonsa, Sewanu, aru New Tesophenyu.
Itu event toh hoiley Kohima laga Conference Hall tey para loishey, alag alag stakeholder khan, medical professional khan, NGO khan, aru community leader khan ke eke logotey anishey, itu share kuria mission tey, TB khotom kuriboley.
Add Comment