Kohima, 10 April 2025: Ekta important step te legal awareness aru community participation ke improve kuribole, Deputy Commissioner Office, Kohima para alag-alag administrative sub-divisions aru municipal bodies ke 12th April 2025 te hobo laga State Mega Legal Services Camp te participate kuribole nimite request kuri se. Camp to NBCC Convention Hall, Kohima te 2:00 PM para 6:00 PM tak hobo.
Event te Supreme Court of India laga Judges, Minister of State for Law & Justice, aru Gauhati High Court laga Judges bhi present thakibo. Etu initiative grassroots level te legal empowerment ke strong bana bole ekta effort ase.
Circular te mention kuri se ki Chiephobozou sub-division para at least 40 participant patha bole lage—juntu majot Gaon Bura, Village Council aru Town Council members, youth aru women’s organisations, aru VDB Management Committee members thakibo lage.
Secü Zubza aru Jakhama sub-divisions ke 30 participant each patha bole quota assign kuri se, similar representation logot. Kohima Sadar ke instruction dise ki duita group patha bole lage—ekta group te komse kom 50 members thakibo lage (Village Council, Youth & Women Organisations, aru VDB Management Committees para), aru dusra group te sob PAs para DCs, Dobashis, aru Gaon Buras thakibo lage.
Kohima Municipality ke bhi urge kuri se ki sob councillors, ward functionaries, youth aru women’s organisations full participation ensure kuribole.
Attendees ke traditional dress lagai kena ahibo nimite request kuri se. Program khotom hua pichete organisers dinner dibo.
Transport arrangement nimite participants khan Vizapale logot contact kuribo pare at 9615629285.
Add Comment