Nagaland ekta state ase juntu bisi bhal culture, rich tradition aru dynamic youth population ke bless kuri dise. Kintu, youth te thaka etiya energy aru potential thaka bhi, ekta major problem face kuri ase – unemployment. Etu problem olop bisi hoa karon ekta hoise education system aru job market te thaka demand majote thaka na mila. Traditional academic education logot student khan ke practical skill dibole na pare, juntu para employment na hoile entrepreneurship bhi na hoi. Etu gap ke address kuribole, skill-based education upor te focus anibole dangor issue ase, karon etu Naga youth ke empower kuribo pare.
Aji kali competitive world te, degree ekla khafi nahoi. Private aru public sector te thaka employer khan, hands-on skill, problem-solving ability aru real-world experience thaka candidate ke kushi bai. Nagaland te bisi student khan formal education complete kuri loise, kintu market-relevant skill nai. Etu karon, bisi student khan suitable job babole na pare, aru alak state te job bisaribole jai, juntu job tai khan laga qualification laga niche te thake.
Skill-based education – vocational aru technical education bhi koi – etu ekta bhal rasta ase etu cycle para bahar ahibole. Carpentry, plumbing, electrical work, fashion design, digital marketing, coding, hospitality, agro-processing – etu sob field te skill development practical knowledge di, juntu sustainable employment nai hole self-reliance hobo pare. Etu confidence, productivity uthai, aru government job opor thaka dependency kom hoi. Government job toh kom ase aru bisi competition thake.
Government olop bhal step loi ase, jemon Pradhan Mantri Kaushal Vikas Yojana (PMKVY) aru Skill India Mission. Nagaland te bhi Industrial Training Institute (ITI) aru skill development centre khan khuli dise. Kintu olop kaam baki ase. Training centre khan majot infrastructure nai, outdated curriculum ase, aru industry logot bhal connection nai. Society te bhi vocational job ke low-level hissab te dekhe, aru white-collar job ke bisi value kure. Etu mindset change kuribole important ase.
Parents, teachers aru policy maker sob mili kena, skilled labour ke respect dibole lagibo. Naga youth juntu vocational training loi kena successful hoise, aru nijor business suru kuri loise – etu story khan ke highlight kuri kena, celebrate kuribole lagibo. School aru college te career counselling aru awareness campaign chulai dibole lagibo, jate student khan nijor future karone bhal decision lobo pare.
Technology bhi etu te dangor role play kuribo pare. Online platform aru digital tool khan, remote area te bhi skill training pounchabole help kuribo pare. Local startup aru entrepreneur khan ke encourage kuribo pare jate youth logot milik kena kaam kuribo pare, aru ekta homegrown ecosystem banaibo pare.
Skill-based education ke alag nakuri kena, academic education logot milai dibole lagibo. School aru college te vocational subject, internship aru workshop introduce kurile, student khan graduate hobo academic knowledge logot applicable skill thaki kena.
Naga youth ke skill-based education para empower kuribole mane khali job pabole nahoi – etu hoise self-worth, confidence aru ekta future juntu nijor land te thaki bhi possible hobo. Bahar nai jai kena, nijor jaga te kaam kuribo pare. Etu time ase, youth te invest kuribole – tai khan laga hath aru mind opor. Etu para Nagaland ke strong aru self-reliant banabole paribo.
Add Comment