May 14, 2025, 05:13 PM: Deputy Commissioner & Chairman District Disaster Management Authority, Niuland, Sara S Jamir para ekta meeting loishey, Monsoon nimitey tyaari thaka laga, DC laga Conference Hall tey, para, Niuland laga, 13th May, 2025 tey.
Jamir para tai laga address tey, koishey, disaster management toh hoiley ekta team work asey, kotey itu sob department khan toh ekta pro-active role paly kuriboley lagey, aru tai para sob department ke ekta disaster management committee form kuriboley urge kurishey aru itu concern department official khan ke ekta damage assessment report tyaar kuriboley koishey, judi kiba natural disaster hoishey koiley, itu district tey.
Jamir para itu Rural Development Department laga officer khan ke request kurishey, itu sob bosti khan tey husiyar janai diboley aru itu opor tey samjhai diboley, nala khan sapha rakhiboley ari hygienic jeevan thakiboley.
Food & Civil supply, PWD (R&B), Power department, H&FW aru PHE laga department khan para tai khan laga tyaar thaki kena present kurishey, natural calamity khan nimitey, itu district tey.
Itu meeting laga homoi tey, manpower komti hoa laga aru itu Nagaland State Disaster Management Authority (NSDMA) para personnel komti hoa laga opor tey kotha khan kurishey.
Shuru shuru tey, Niuland District (NSDMA) nimitey Nodal Officer incharge – Keren para itu NSDMA laga aru alag alag department khan laga role aru duty khan highlight kurishey, natural disaster khan laga homoi tey.
Add Comment