May 19, 2025, 04:28 PM: Ekta significant step loi kena, citizen khan laga safety aru bhal thakiboley laga ensure kuri kena, itu state laga bahar tey thaka khan karney, kaam nahoilebi education nimitey, itu Mon District Police para 17th May, 2025 tey, itu “Youth Migration Monitoring & Safety” programme launch kurishey, Mon laga SP Office tey para.
Itu landmark initiative toh hoiley “Mon Migration Trail” koi kena jani pai, kuntu toh hoiley formal para inaugurate kurishey, itu distinguished dignitary khan laga samney tey para, Rajya Sabha laga Member – S. Phangnon Konyak; Deputy Commissioner, Mon, Wennyei Konyak aru Mon, Police laga Superintendent – Kanchan Kumar Kandpal, IPS bhi milai kena. Itu event toh hoiley Bendangwati Ao, SDPO Mon para chair kurishey. H. Pongloi, SDPO Tizit para welcome address dishey aru John, Assistant Commandant, Village Guard para benediction prathana kuri kena khotom kurishey itu event toh.
S. Phangnon Konyak para official para itu programme ke launch kurishey aru tai para naam uthai dishey effort khan diya opor tey, itu toh thik time tey aru bishi lagi thaka laga asey koi kena, youth khan nimitey itu region laga. Tai para jawan chukra chukri khan para challenges khan face kuria laga opor tey kotha kurishey, kun khan itu state laga bahar tey thakey aru tai para compassionate, community-based solution khan nimitey lagi thaka emphasize kurishey.
DC Mon, Wennyei Konyak para tai laga address tey, itu collaborative approach ke commend kurishey, itu programme laga aru tai para sob stakeholder khan ke urge kurishey- particular para itu bosti laga leader khan aru civil society khan ke- active para contribute kuriboley, itu laga success tey.
Add Comment