May 19, 2025, 04:42 PM: Itu Penren District under laga Kejanglwa Village laga Village Council Hall construct kurishey DUDA laga under tey, Nagaland laga Deputy Chief Minister – TR Zeliang para inaugurate kurishey, 17th May, 2025 tey, Peren laga DC – Hiazu Meru aru alag official khan laga samney tey para.
Tai laga inaugural speech tey, T.R. Zeliang pra koishey, Nagaland toh hoiley Panchayati Raj System hisap nachuliboley lagey, kuntu toh hoiley itu Indian Parliament para launch kuria laga thakishey 1992 tey aru itu 24th April, 1993 tey effect loishey. Eneka thakilebi, tai para koishey, Nagaland tey toh nijey laga Village Council System asey, itu Nagaland Village aru Area Council Act, 1978 under tey establish kuri kena thaka laga, kuntu toh hoiley Village Development Board (VDB) dishey. Itu nimitey, tai para suggest kurishey ki, itu Village Council Hall ke Panchayat Hall koi kena namatiboley karney koishey.
Zelian para koishey – Indian Constitution laga Article 371 (A) under tey, “moi khan Religious aru Social pratices, Customary Law aru Procedure khan, Civil aru Criminal Justice laga Administration enjoy kurey moi khan”. Itu maintain kuri kena, Village Council Court toh hoiley sob para lowest aru highest court asey, Zeliangrong Customary Practice khan laga hisap tey, tai para koishey, “Judi kunba manu nahoilebi group khan High Court nahoilebi Supreme Court tey jai, Village Council para diya laga judgement laga against tey, mati laga jhamela, shaadi nahoilebi divorce case khan aru alag social practice khan laga nishina, eneka nishina manu khan toh hoiley itu customary system ke violate kuri ashey, Zeliangrong tribe laga”.
Add Comment