May 19, 2025, 05:30 PM: Itu District Administration laga initiative under tey, ekta mass social work organize kurishey, Chumoukedima district tey, itu Monsoon season ahi thaka laga view tey aru monsoon nimitey tyaari kuriboley laga measure khan loi kena, Chumoukedima district tey, 17th May, 2025 tey.
Itu mass social work toh hoiley ekta unity aru responsibility laga sense foster kuriboley aim kuria laga thakishey, aob citizen khan laga bhitor tey, ekta aru bhi sapha aru healthy thaka Chumoukedima banaboley karney, aru saph safai aru community engagement promote kuriboley, sapha kuriboley aru welcoming environment hoboley. Itu mass social work toh hoiley nala khan sapha kuriboley, construction laga saman & letra khan sapha kurivoley, manu khan Jabra phekawa ke hataboley aru public laga jaga khan & utility khan sapha kuriboley.
Itu mass social work laga homoi tey, sob government office khan, institution khan aru public khan para milai kena active para participate kurishey, itu town aru bosti khan saph safai kuri kena. Medziphema town council aru alag alag bosti khan para assistance provide kurishey, itu garbage toh sapha kuriboley aru itu mass social work toh execute kuriboley. Yatey sob government office khan, business establishment aru itu police para active para participate kuri kena dangor para success hobo parishey.
Add Comment