Nagaland India laga Northeast te ekta jagah ase juntu te hill, culture aru manu khan unity te thake, kintu ekta dangor problem ase juntu sob manu ignore kore ase, proper drainage system nai. Development karone to sob manu kotha kore; rasta, school, aru network, kintu drainage system ke to manu olop bi dhyan nade. Aru etu dangor problem khan monsoon ahile clear ho jai. Waterlogging, erosion, aru road damage to bishi ho jai. Etu karone, Nagaland te proper drainage ekta dangor importance hoise, etu public health, safety, environment aru economy ke direct impact kuri ase.
Bhal drainage system nathaka laga dangor problem to, raining season te bosti, town khan flood hoi jai. Dimapur, Kohima, Mokokchung, Tuensang jaga te jodi thik thak barish hoi, tate drainage overflow kori jai, road aru house flood hoi jai. Aru etu para stagnant water bonai, etu sob city te common hoi ase. Stagnant pani to bhal nai; dengue, malaria nishina bimari spread kori. Manu bimar hoi jai, aru hospital bhi full hoi jai.
Hilly area te ekta dangor problem ase, erosion aru landslide. Nagaland laga hill area khan sensitive ase. Jodi bhal drainage nathakile, to rainwater pura giri jai slope khan te, etu para land weak hoi jai. Ghor, road, aru kheti khan sob damage hoi jai. Repair karone poisa bishi jai aru manu khan laga normal life ke disturb kore.
Urban area te bhal planning nai. Building, road aru complex to construct hoi ase, kintu drain laga jagah block kori di ase. Natural drain thaka jaga te building khara kori dise. Etu karone, pani to naturally bahar jabo napare, etu karone flood hoi. Low lying area hobi, high area hobi, sob jaga pani jam hoi jai.
Environment bhi etu karone effect hoi ase. Pani, juntu drain para jai ase, direct river aru nala te ghuse. Sewage treatment nai, etu para water pollution hoi. Manu juntu river pani use kore, tai khan bimar hobole chance bishi ase. Long term te etu danger hoi jai, aru etu para manu aru nature dukh pabo.
Government etu problem jani ase, kintu action loa nai. Infrastructure project banabo time te drainage plan bhi include koribo lage. Already thaka drain sob clean rakhibo lage, aru desilt koribo lage, regular basis te. Town committee aru village council bhi etu te role lobo lage. Public bhi aware hobo lage, plastic aru dustbin drain te naphelabole.
Modern drainage technology, green planning aru rainwater harvesting use korile bhal solution pabo pare. Engineer, government, scientist sob milekena kaam koribo lage, Nagaland laga jagah aru climate ke consider koribo lage.
Drainage laga kotha etya bishi important hoise. Etu glamorous topic nahoi, kintu basic need ase, pani jam na hoile, bimar na hobo, road safe thakibo. Development karone clean drainage to first step hoise. Nagaland jodi age jabo koile, to drainage ke serious matter hisap te lobo lage.
Etya action lobo time hoise. Next monsoon ahile etu problem karone ready thakibole lage, sobha future opportunity aru safety karone. Proper drainage ekta necessity ase, nagaland ke bachabo karone.
Add Comment