Singapore, 27 May : Duita Olympic medal jitithaka PV Sindhu Tuesday din Singapore Open Super 750 tournament laga second round te bhal para uthi jabo parise, juntu te tai Canada laga Wen Yu Zhang ke straight games te haraise.
Sindhu 31 minute te khotom hua match te 21-14, 21-9 para jitise.
Next round te Sindhu ekta tough mukabla face koribo lagibo, juntu te tai Tokyo Olympics gold medallist aru aji laga world No. 5, China laga Chen Yu Fei logot kheli bo.
Kintu baki Indian players khan laga din bisi disappoint korise. Malvika Bansod, Anmol Kharb, Priyanshu Rajawat aru Kiran George sob first round te haarise.
Malvika aru Priyanshu dujon bhi ek-ekta game lead thaka bhi last te haarigise. Malvika Thailand laga eighth seed Supanida Katethong logot 21-14, 18-21, 11-21 para haarise, aru Priyanshu seventh-seeded Japan laga Kodai Naraoka logot 21-14, 10-21, 14-21 para haarise, juntu match ek ghonta te besi choli thakise.
Anmol Chen logot match te bhal fight dishe, especially second game te, kintu last te 11-21, 22-24 para haarigise.
George, jun India Open laga quarterfinal reach korise this saal, tai China laga Weng Hong Yang logot 19-21, 17-21 para haarise. R. Santhosh Ramraj bhi men’s singles opener match te South Korea laga Kim Ga Eun logot 14-21, 8-21 para haarigise.
Mixed doubles te, Indian pair Dhruv Kapila aru Tanisha Crasto China laga Cheng Xing aru Zhang Chi logot 18-21, 13-21 para haarise.
Ashith Surya aru Amrutha Parmuthesh bhi tournament para bahar hoi jaise, juntu te tai Japan laga Yuichi Shimogami aru Sayaka Hobara logot 11-21, 17-21 para haarigise.
Add Comment