Paris, 28 May : Jasmine Paolini Wednesday din French Open laga third round te uthi jabole parise, jitia Iga Swiatek bhi laga choutha bar Roland Garros title jitor try continue korise.
Paolini, jun last saal runner-up thakise, Ajla Tomljanovic ke 6-3, 6-3 te haraise, aru Italian Open jitile pisot tai laga winning streak ahta match te punchise. Tai next match te Russia laga Anastasia Potapova nai Ukraine laga Yuliia Starodubtseva logot khelibo.
Olympic champion Zheng Qinwen bhi last 32 te jabole qualify korise, jitia tai Colombia laga Emiliana Arango ke 6-2, 6-3 te haraise. Chinese player Qinwen next round te Canada laga 18 saal laga Grand Slam debutant Victoria Mboko logot mukabila koribo.
Dusra side te, Poland laga Iga Swiatek try korise ki tai hobo first mahila jun 102 saal te etiya tak chareta bar French Open title continuously jiti thakibo – last time hobo Suzanne Lenglen.
Swiatek, jun last saal Coupe Suzanne Lenglen jitishe aru tar pisot ekta bhi WTA final te punchi nai, confidently tournament start korise, straight-sets te Rebecca Sramkova ke haraise. Next round te tai Britain laga Emma Raducanu logot khelibo, jun logot Swiatek already 4 bar khelise aru ekbar bhi set hara nai.
Raducanu, jun 2022 te debut korar pisot aji French Open te first time kheltase, koise ki tai bimaar thakise first round laga match Wang Xinyu logot khelibo laga age. Last time Swiatek logot match January mahina te Australian Open te hoise juntu te Raducanu 6-1, 6-0 te hara thakise.
Swiatek laga ranking komti jabole karone, tai same half te pare juntu te world number one Sabalenka, Paolini aru Zheng bhi ase.
Sabalenka bhi first round te bhal performance dikhai dise, Russian Kamilla Rakhimova ke sirf ekta game dibi haraise. Second round te tai Switzerland laga Jil Teichmann logot khelibo, aru logot expect korise ki tai easily jiti jabo. Belarusian player Sabalenka kabhi French Open final te punchi nai aru 2024 te Mirra Andreeva logot quarter-final te hara jaise, tai hope ase ki etia bhal perform koribo.
Men’s side te, reigning champion Carlos Alcaraz Hungary laga Fabian Marozsan logot match khelibo third round jabole Chatrier court te.
Alcaraz, jun clay court te etia bhal form te ase – Monte Carlo Masters aru Italian Open duita jitishe, aru Barcelona Open final te punchi thakise – tai ekta tough match expect korise.
World number 56 Marozsan laga ekta dangor memory ase – 2 saal age Rome te Alcaraz logot clay court te je match jitise.
Norway laga seventh seed Casper Ruud, jun 2022 aru 2023 te French Open runner-up thakise, Portugal laga Nuno Borges logot match khelibo. Dusra side te, Denmark laga Holger Rune, jun Alcaraz ke clay te etiya saal te barita haraise Barcelona final te, American wild card Emilio Nava logot match khelibo.
Italy laga Lorenzo Musetti, jun 2025 te sob tinta Masters 1000 clay event te at least semi-final punchise, third round te easily jabole parise jitia tai Colombian lucky loser Daniel Elahi Galan ke 6-4, 6-0, 6-4 te haraise.
Add Comment