Seoul, 28 May : India laga team jun Asian Athletics Championships South Korea te participate korise, Monday din medal count te aur bhi add korise. 400m runner Rupal Chaudhary aru 1500m runner Pooja dujon silver medal jitise, aru Yoonus Shah men’s 1500m te bronze medal loi dise.
Rupal women’s 400m final te 52.68 seconds te race complete kori second position te finish korise. Japan laga Nanako Matsumoto 52.17s te finish kori gold medal loi jaise, aru Uzbekistan laga Jonbibi Hukmova 52.79s timing te bronze medal jitise. India laga Vithya Ramraj 53.00 seconds timing loi fifth position te finish korise.
Pooja women’s 1500m te 4:10.83 seconds timing loi second position te aise, aru Lili Das 4:13.81 seconds te fourth finish korise. Gold medal China laga Li Chunhui loi jaise timing 4:10.58, aru Japan laga Tomaka Kimura bronze medal loi jaise 4:11.56 timing te.
Men’s section te, Yoonus Shah bronze medal loi jaise 3:43.03 timing te. Japan laga Kazuto Lizawa personal best 3:42.56 clock kori gold loi jaise, aru South Korea laga Jaeung Lee 3:42.79 te silver medal loi jaise.
Men’s 400m te Vishal Thennarasu Kayalvizhi personal best timing 45.57s clock korile bhi fourth position te finish korise, medal pa nai.
Long jump te, Shaili Singh laga best jump 6.17m thakise aru Ancy Sojan laga jump 6.14m thakise – dujon bhi final round te qualify korise.
Jyoti Yarraji hurdles event te next round te qualify korise, tai laga timing 13.18 seconds thakise aru heat te third position te finish korise.
India laga Gulveer Singh Tuesday din 10,000m event te gold medal jitise, aru Servin Sebastian 20km race walk te bronze medal loi jaise.
20 saal laga Rupal, jun 2022 te World U20 Athletics Championships te 4x400m relay te silver aru women’s 400m event te bronze medal jitise thakise, itihaas banaise – tai hobo first Indian athlete jun World U20 te dui medal jitishe. Tai UP laga Meerut district, Shahpur Jainpur gaon laga ekta farmer family pora ahise.
Add Comment