Singapore, 29 May : India laga men’s doubles team, Satwiksairaj Rankireddy aru Chirag Shetty, Singapore Open badminton tournament te Thursday din quarterfinal te pahuche ase, jitia former world champion PV Sindhu early exit samna kurise.
Satwik aru Chirag ekta strong comeback kori 7th-seeded Indonesian juti Sabar Karyaman Gutama aru Moh Reza Pahlevi Isfahani ke 19-21, 21-16, 21-19 te harai dise. Itu match 1 ghonta 14 minute tak cholise aru dangor challenging thakise.
Next round te, India laga juti second-seeded Malaysian pair Goh Sze Fei aru Nur Izzuddin logot khelibo.
India laga itu performance ekdom notable ase, karon past kuchu hafta te olop fitness issue face kori thakise.
Double Olympic medalist PV Sindhu, China laga world No. 5 Chen Yufei logot second round te 9-21, 21-18, 16-21 te haar khaise. Itu match 65 minute tak cholise aru tough thakise.
Sindhu, juntu recently world No. 17 te down hoise, second game te 19-12 lead loike 21-18 te jitise, jimanba olop old form dekhaise.
Kintu deciding game te, tai Chen laga sharp smash aru court control handle nohoparile.
Ita Sindhu laga Chen logot 13 encounter te 7th loss hoise, aru etu season te tai laga inconsistency bhi dikhai dise.
First round te, Sindhu Canada laga Wen Yu Zhang ke 21-14, 21-9 te easily harai dise, kintu itu momentum continue nohoparile.
Tai kuchu moments te bhal performance dikhai dise, kintu sluggish reflex aru rally control no thaka karone final set te Chen dominate kori loise.
Men’s singles te, H S Prannoy France laga Christo Popov logot khelite 16-21, 14-21 te haar khaise aru pre-quarterfinals te eliminate hoise.
Women’s doubles te, 8th-seeded Indian juti Treesa Jolly aru Gayatri Gopichand bhi second round te China laga Jia Yi Fan aru Zhang Shu Xian logot match te 8-21, 10-21 te haar khaise.
Mixed doubles te, Rohan Kapoor aru Ruthvika Shivani Gadde, Hong Kong laga Tang Chun Man aru Tse Ying Suet logot 31 minute te cholithaka match te 10-21, 16-21 te haar khaise.
Add Comment