French Open 2025: Pegula tou Li khilaf jitishey

Paris, 29 May : Jessica Pegula Thursday din Roland Garros te American team laga lead loise, jitia tai laga compatriot Ann Li ke tough match te 6-3, 7-6(3) te haraise, aru etu season laga 30th match victory mark korise.

World No. 3 Pegula dangor determination dikhai, second set te tense situation handle kori thakile bhi calm thaki third round te reach korise—etu Pegula laga career te French Open third round te pahuchile tisra bar ase.

Pegula laga win American women players laga Roland Garros te resurgence (phir se uthi ahise) laga part ase. Coco Gauff No. 2 seed ase aru Madison Keys bhi advance korise, aru etu 2009 te Venus aru Serena Williams laga time uporot first time ase jitia U.S. laga tini jon mohila top 10 seeds te ase.

Notably, bottom half draw te second-round matches te 9 jon American mohila player khelise—etu Paris laga clay court te American presence dangor thaka dikhai dise.

Next round te, Pegula former Roland Garros finalist aru 2023 Wimbledon champion Marketa Vondrousova logot face koribo, juntu No. 25 Magdalena Frech ke three sets te haraise. Itu tough match hobo, kintu Pegula ekdom confident ase, karon Aryna Sabalenka laga alawa etu season te WTA te besi match jitithaka player tai he ase.

Dusra ek match te, Russian teenager Mirra Andreeva bhi French Open last 32 te enter korise, American Ashlyn Krueger ke straight-sets te 6-3, 6-4 te haraike.

18 saal laga Andreeva, juntu Roland Garros te sixth seed ase, Court Simonne Mathieu te 73 minute bitore he match finish korise.

Last year semi-final te pohucha Andreeva, third round te Taiwan laga Joanna Garland kiman Kazakh 32nd seed Yulia Putintseva logot khelibo.

Andreeva 2024 te schoolwork complete kori thakile bhi quarter-final te Aryna Sabalenka ke haraikene surprise win korise.

Etia tai ranking te career-high sixth position te ase, aru February mahina te Dubai te WTA 1000 title jitise—etu title jitithaka youngest player bhi bani gise. Tar pisot, Indian Wells te bhi aru ekta title jitise.

Andreeva laga Roland Garros te bhal performance expect kora ase, karon Aryna Sabalenka aru reigning champion Iga Swiatek dujon he draw laga dusra side te ase.