Seoul, 30 May : Indian athlete Gulveer Singh duita gold medal jiti lusey Asian Athletics Championships 2025 te. Friday din 5000m final te record toti jiti jaise, aru etu laga age te 10,000m te bhi jiti lusey.
Gulveer 5000m te 13:24.77 second te finish kori event record toti Thailand laga Kieran Tuntivate aru Japan laga Nagiya Mori ke haraidi top spot loi lusey. Gulveer Qatari runner Mohamed Al-Garni laga 10 saal pura record 13:34.47 ke todise.
High jumper Pooja Singh bhi first position loi lusey, tai laga personal best 1.89m te, second last try te. Tai Uzbekistan laga Safina Sadullaeva ke haraidi top spot loi lusey, juntu 1.86m jump kori thakise.
Heptathlon te, Nandini Agasara 5941 points loi gold medal jiti lusey. Tai javelin throw te bhal performance na diya bhi, 800m race te bhal comeback kori jiti lusey. Nandini etu event te Asian gold jiti thaka tisra Indian banise — Swapna Barman aru Soma Biswas pichhe.
Gulveer laga etu jit dangor achievement ase, karon opening day te bhi tai 10,000m te gold jiti lusey 28:38.63 timing te. Etu performance te Gulveer elite Indian runners laga group te join kurise — Gopal Saini (1981), Bahadur Prasad (1993), aru G Lakshmanan (2017) juntu 5000m te gold jiti thakise.
26 saal laga Gulveer Singh, Uttar Pradesh laga Atrauli para ahi ase, aru 2023 edition te bronze medal bhi jiti thakise.
Kintu, women’s 3000m steeplechase te disappointment hobo lagise, juntu te defending champion Parul Chaudhary silver te satisfy koribo lagise. Tai 9:12.46 timing te finish korise, aru Kazakhstan laga Norah Jeruto Tanui 9:10.46 timing te gold loi lusey. Bronze Kazakhstan laga Daisy Jepkemei ke 9:27.51 timing te jaisey.
Gulveer laga etu jeet India ke championships te total six gold medal loidise — hisab te India laga medal count hoise 6 gold, 7 silver, aru 3 bronze.
Aji morning te India laga 4x100m men’s relay team disqualify kori dise baton exchange te problem karone. Team members Pranav Pramod Gaurav, Ragul Kumar Ganesh, Manikanta Hoblidhar, aru Amlan Borgohain relay te baton exchange zone bahar te exchange kori World Athletics laga Rule 24.7 violate korise. Malaysia team bhi same karone disqualify hoise.
Kintu positive news bhi ase — Sachin Yadav aru Yashvir Singh men’s javelin throw final te qualify korise. Sachin 79.62m throw kori 5th position te ase, aru Yashvir 76.67m throw kori qualify korise. Pakistan laga Olympic champion Arshad Nadeem 86.34m throw kori qualifying round te top ase. Etu Nadeem laga Paris Olympics gold-winning throw (92.97m) piche laga first competition ase.
Dusra event te, women’s 100m hurdles gold medalist Jyothi Yarraji aru Nithya Gandhe 200m finals te reach korise, 23.74 aru 23.77 seconds te heats te race kori. Men’s 200m te, Animesh Kujur preliminary race te 20.98 seconds timing te semifinals te ghusey.
Heptathlon te India favorite thaki ase, karon Nandini Agasara five events ke piche 4500 points collect kori ase. Tai long jump te top kori lusey 6.13m distance te, aru China laga Liu Jingyi (4210 points) te lead kori ase. Only javelin throw aru 800m baki ase.
Add Comment