Munich, 30 May : Champions League 2024-25 laga final karone pura tayyari hoise — Paris Saint-Germain (PSG) aru Inter Milan duita dangor team European glory karone ek dusra ke face koribo ase. Etu boro match June 1, Sunday din Munich laga Allianz Arena te hobo.
PSG, juntu abhi tak ekta bhi Champions League trophy napai thake, etu season te bohut bhal form te ase. Ligue 1 aru Coupe de France already jit lwoi se, aru Luis Enrique laga team etiya season ke European treble diye end koribo bisare.
Dusra side te, Inter Milan Serie A title sirf ekta point difference te Napoli ke hari dise. Coppa Italia laga semi-final te harar piche, Champions League etu bar Inter karone last hope ase. Inter Milan laga history te already duita Champions League title ase.
Inter Milan directly knockout stage te entry paise, jab PSG playoffs jiti knockouts te ghusey. PSG league standings te 15th position te thaki 4ta match jitise. Start te Girona ke 1-0 te haraise, kintu etu momentum continue nokoripai. Playoffs te PSG powerful thakise — Brest ke total 10-0 aggregate te harai knockouts qualify korise.
Round of 16 te PSG ke Premier League champions Liverpool laga against draw korise. First leg France te Liverpool jitise, kintu second leg Anfield te PSG match ke penalty shootout loi jai aru 4-1 te jitise. Quarter-final te PSG Aston Villa laga against tight match khelise aru 5-4 aggregate te semis te ghusey.
Semi-final te PSG Arsenal ke face korise. London te Ousmane Dembele laga ekta goal te jitise, aru home te 2-1 win kori final te reach korise.
Inter Milan laga draw thora easy thakise. Round of 16 te Feyenoord ke 4-1 aggregate te harai disey. Quarter-finals te Bayern Munich ke first leg te uniman margin te harai dise, aru San Siro te 2-2 draw koripiche next round te ghusey.
Semi-final te Inter Barcelona laga against dangor performance disey. First leg te 3-3 draw hoise, kintu Milan te second leg te full drama thakise. Normal 90 minutes te duita team 3-3 draw korise, piche 99th minute te Davide Fratessi laga winning goal Inter ke final te loi jaisey.
June 1 te PSG aru Inter Milan duita team Champions League trophy karone last fight dibo — pura duniya laga nazar etu boro match te thakibo.
Add Comment