Madrid, 30 May : Real Madrid official announce kori dise ki Trent Alexander-Arnold ke Liverpool pora sign kora hoise, aru etu English player June 1, 2025 pora June 30, 2031 tak Santiago Bernabeu te thakibo.
26 saal laga England international laga Liverpool contract khotom hobo laga thakise, kintu Madrid ekhon fee dise jate ki olop agote loi jabo pare, karon Club World Cup te bhi khelabo karone.
Alexander-Arnold, juntu pura football career Liverpool te he khelise, Real Madrid te join koribo 9ta title jit lwoi — 1 Champions League, 1 Club World Cup, 1 European Super Cup, 2 Premier League title, 1 FA Cup, 2 League Cup aru 1 FA Community Shield.
2018 pora England laga full international thaka Alexander-Arnold duita World Cup (2018 aru 2022) aru ekta Euro Championship (2024) te country represent kori se.
Individual award bhi bohut paise — 2020 te FIFA FIFPro World 11, UEFA Champions League Team of the Season duita bar (2018/19 aru 2021/22), Premier League Team of the Year tinta bar (2018/19, 2019/20, 2021/22), aru Premier League Young Player of the Season award 2019/20 te paise.
Alexander-Arnold etiya Real Madrid laga Club World Cup squad join koribo, juntu June 14 pora United States te hobo.
Liverpool laga academy pora uthi ase Alexander-Arnold total 259 match khelise club karone, aru 18ta goal score korise. Right flank pora accurate long pass dibo laga ability te bhal jani jabo lagise, aru manager Jurgen Klopp aru Arne Slot eneka laga talent ke pura utilize korise — forward run dekhi ball ke thik thak attacker laga pair te loi jabo paribo karone.
English right-back Alexander-Arnold etiya join koribo ekta Real Madrid team, juntu 2024/25 season te ekta bhi trophy napai thakise, aru rival Barcelona te overshadow hoise — Barcelona domestic treble jitise. Madrid laga coach side te bhi change ase — Carlo Ancelotti Brazilian national team join kori jabo, aru new coach hobo Xabi Alonso.
Add Comment