Munich, 31 May : ICC chairman aru former BCCI secretary Jay Shah Friday din UEFA president Aleksander Čeferin logot Munich te murise, Champions League final laga 2 din age, juntu Sunday, June 1 te Allianz Arena te hobo—Inter Milan aru Paris Saint-Germain majote.
Shah koi dise ki Čeferin logot itu meeting final laga age te koribar karon ekta important step ase, jate cricket laga global outreach continued thake.
Cricket to dangor fan base ase, laak laak manu game, tournament aru laga favourite player laga career follow kore. Kintu Europe laga bishi jagate cricket etiya bhi popular nohoi.
ICC te anek global outreach initiative ase juntu dora cricket promote kora jai. Taar flagship community outreach program, ‘Cricket for Good’ naam laga, sport laga power use kori worldwide te bacha aru family khan ke help koribar target ase—nutrition deficiency, education aru child protection laga problem face kori thaka manu khan ke support diye.
PSG to favourite ase UEFA Champions League laga first title jitor babe, juntu Saturday din Inter Milan logot final te khelibo.
Final to special hobo Paris Saint-Germain laga Moroccan right-back Achraf Hakimi karone, juntu 4 saal agote Inter logot Serie A title jitise.
Hakimi ke world laga best attacking full-back buli maana jai, aru etiya season te 22 goal te score nohole assist korise.
Federico Dimarco ekjon dangor role play kore Inter laga 3-5-2 formation te, junte laga attacking contribution important ase. Kintu semi-final te Lamine Yamal logot khelite olop bishi struggle korise.
Denzel Dumfries bhi same kaam kore Inter laga right side te, juntu Dimarco left side te kore. Dutchman ekta powerful wing-back ase, juntu forward jaine team ke bishi contribute kore, aru etiya season te 11 goal score korise.
Add Comment