Paris, 2 June : French authorities PSG laga Champions League jeet upar te celebration kuri thakia time te dusra bar laga arrest operation te 79 jon ke arrest korise, police chief Monday din janai disey.
PSG Saturday rati Munich te khelia final match te Inter Milan ke 5-0 te harai disey. Sunday din team Paris wapas ahi Champs-Élysées te ekta parade korise, aru itu pichete French capital outskirts te thaka Parc des Princes stadium te dangor celebration korise.
PSG laga itu jeet, juntu Europe laga top club football competition te unihor first title ase, pura France te dangor celebration loi aaisey, kintu violence bhi hoisey.
Arrest hobo logot te kunba manu barricade uthai peripheral ring road block korise, aru kunba manu business vandalise koribo kosis korise, kiman jan fireworks Champs-Élysées te fire korise, police official koise.
Saturday rati te pura France te police 500 logot besi manu ke arrest korise, Interior Ministry laga report hisab te. More than 200 gari jolai disey, aru police aru youth logot clash bhi hoisey.
France laga southwest te thaka Dax town te, ekta 17 saal laga lora chaku ghusai diya karone mora jaise.
Central Paris te ekta 23 saal laga scooter chalanewa manu vehicle hit korile mori jaise.
Ekjon police ke fireworks laga injury karone induced coma te rakhina asey.
France President Emmanuel Macron Sunday din Élysée Palace te jeet paise PSG team ke welcome korile, aru celebration time te hoise violent incident ke “unacceptable” buli condemn korise.
Team laga dangor part to Paris laga suburb area te thaka football talent pool pora aaisey, karon PSG laga Qatari owner-hor Neymar aru Messi nisina star khiladi ke recruit koribole para strategy change korise.
Match to pura France te 11.5 million manu dekhi thakise.
Add Comment