June 04, 2025, 07:25 PM: Deputy Commissioner, Noklak, P. Mono Khiamniungan para 2nd June, 2025 tey ekta advisory tey, state kurishey ki, itu monsoon season laga view tey, itya toh hoiley important asey, precaution khan bukhiboley aru khobor loi thakiboley lagi asey, risk khan aru safety measure khan jani kena. Itu Disaster Management Act, 2005 section 26(2) aru section 30 (2) (v) under tey, DC & Chairman DDMA, Noklak P. Mono Khiamniungan para itu di kena thaka advisory issue kurishey, safety ensure kuriboley karney aru public laga hal nimitey.
- Khobor loi thakibi: Nijey ke weather condition khan aru forecast para update rakhibi.
- Flood hoa jaga tey najabi: Heavy pani gira homoi tey, tatey para aha jawa kuria nahkuribi, aru bridge khan cross kuria homoi tey, extra husiyar kuribi, nahoilebi pani bishi thaka jaga osor para jawa time tey husiyar kuribi.
- Travel kuria homoi tey husiyar kuribi: Caution exercise kuribi travel kuria homoi tey, especially raasta tey kuntu jaga tey flood khan aru landslide khan hoi thakey.
- Raati tey travel nakuriley bhal: Public khan ke raati tey travel nakuriboley advise kurishey, monsoon lag ahomoi tey.
Add Comment