June 04, 2025, 08:01 PM: MLA & Chairmen SDPDB Bhandari, Achumbemo Kikon para ekta 1.6(33/11KV) sub station inaugurate kurishey, Merapani bosti tey, Wokha laga, 4th June, 2025 tey. MLA Kikon para itu inaugural function tey kotha kuri kena, koishey ki, itu transformer laga inauguration logotey, itu Department toh hoiley sufficient (24×7) dikdari napai kena power supply paboley asey, aru itu para toh hoiley jawan manu khan ke ekta business khulaboley modod kuriboley asye, alag alag tarika para.
Tai para itu manu khan ke kunba power chor kuria khan ke check kuriboley karney appeal kurishey, thik homoi tey electricity bill khan laga payment diboley koishey aru awareness programme initiate kuriboley koishey, electricity conserve kuriboley karney, sob laga bhal nimitey.
Itu MLA para Power Ministry, Commissioner Secretary, department official khan, power grid aru field worker khan ke thanks janaishey, kun khan toh hoiley involve thakishey, itu kaam toh thik homoi tey complete kuri kena diya nimitey.
Add Comment