Norway, 4 June : World Champion D Gukesh Monday din Norway Chess tournament laga round seven te ekta dangor jeet loise, juntu te tai aji tak laga pehla classical jeet paise Arjun Erigaisi logot — aru itu bhi ekta almost haar thaka position pora.
Itu dangor jeet tai laga Magnus Carlsen logot classical chess te pehla jeet paise laga agla din te ahi ase. Itu duita consecutive jeet pora 19 saal laga Indian prodigy Gukesh ke standings te Carlsen logot te upar loijai dise, aru tai second position te ase — Fabiano Caruana laga pichhute, jun Wei Yi ke nijor match te harai dise.
Duita Indian prodigy laga match pura hype ke barabar kurise. Arjun shuru te he bhal position loi jaise, opening ke ekta sharp aru complex middlegame te loi jabole kamiyab hoise juntu te tai Gukesh ke clearly outplay kurise aru almost jeet thaka position te chuli jaise. Gukesh ekta dangor mistake kurise — tai material down hoijaise aru position bhi bisi weak thakise, aru analysts sob tai laga position ke “almost lost” buli koi dise.
Kintu Gukesh tai laga normal style te calm thakise, bhal para defense aru accurate calculation kuri kuri slowly game te wapas ahise. Tai Arjun laga advantage ke pura neutralize kuri, aru ulta pressure dibo start kurise.
Time trouble aahibo lage thakile, Arjun ekta chuto bhul kurise — aru Gukesh itu chance ke perfect use kuri finish kurise. Intense khel te Arjun last te resign kuribo lagise.
Idu jeet Gukesh karone ekta personal milestone nohoi, world stage te tai ekjon dangor aur serious competitor hisab te prove kuri dise. Social media te fans sob celebrate kuri ase aru tai laga performance ke “ekta masterclass in resilience” buli describe kurise.
Add Comment