Paris, 5 June : France laga 361st-ranked Lois Boisson etiya bhi French Open te laga sapna jari rakhi ase, juntu Wednesday din world number six Mirra Andreeva ke haraikena Roland Garros te semi-finals te pahuche.
Boisson ekta exciting battle te 7-6 (8/6), 6-3 te Russian player Andreeva ke haraishe, aru etiya final te jagah paabor babe Coco Gauff logot mukabla kuribo.
Dusra seed Coco Gauff starting te racket laga tension, scoreboard pressure aru American Madison Keys laga strong challenge face kurise, kintu semi-final te jagah paile. Gauff ekta set piche pora comeback kori kena 6-7(6), 6-4, 6-1 te 2 ghonta 11 minute te jeet paise Court Philippe-Chatrier te, aru Keys laga 11-match Grand Slam winning streak to khotom kuridise.
Tarpiche, match pura Gauff laga control te chole jaise. Tai laga groundstrokes sob perfect hoijabo lagise, tactics bhi sharp thakise, aru third set te tai 22 points te modot 17 point jeet kori finish kurise. Tai laga drop shot frequent use aru improved movement dekhi Madison Keys confused hoijabo lagise.
Add Comment