June 16, 2025, 06:35 PM: Ekta 5-din laga “Onsite training loishey, Nagaland State Tax Officers nimitey GST opor tey”, kuntu toh hoiley inauguration logotey shuru hoishey, 16th June, 2025 tey, itu State Taxes, Dimapur laga Commissioner laga Office tey para.
Itu inaugural programme tey kotha kuri kena, Texas laga Commissioner – Abhinav Shivam, IAS para tai laga mon chuwa laga gratitude extend kurishey, itu Shillong laga National Academy of Customs, indirect Taxes & Narcotics (NACIN) ke, Addl. Commissioner, Issac R Kharkongor para chulai jai kena, itu training conduct kuriboley nimitey tyaar hoa nimitey. Tai para koishey ki, GST aru Enforcement opor tey Training Programme toh hoiley ekta vital step asey, moi khan laga continue chuli thaka mission tey, itu tax administration system tey majbut kuriboley nimitey Nagaland tey.
Tai para aru-bhi janaishey ki, itu Goods aru Services Tax (GST) toh hoiley ekta dynamic nature asey, kuntey tey demand kurey ki, moi khan updated, trained aru alert thakiboley lagey koi kena, itu reform khan aru policy budli hoi thaka laga, remarkable frequency logotey. Itu ajikali laga homoi tey, Nagaland para modest headline khana banaishey, tax revenue aru compliance effort khan laga term khan tey. Tai para itya urgent para aru purpose para lagi thaka laga sense acknowledge kurishey, ki, moi khan laga state toh hoiley khali GST collection tey pichey thaka hey nahoi, average, moi khan state toh per capital term khan tey aru revenue leakage khan tey bhi pichey thaki kena asey, evasion para, kuntu para toh serious para affect kuri di kena asey, moi khan share tey, tai para janaishey.
Nagaland tey toh, ekta unique aru complex history thaki kena asey. Moi khan laga geography, remoteness, infrastructure challenges khan, political complexity khan thaka para underdeveloped laga legacy banai kena rakhi dishey.
Aru itu nimitey khan toh hoiley dukh pai asey, revenue generate kuria laga industry khan aru enterprises establish kuriboley thaka tey para.
Hoilebi itu toh, Nagaland toh hoiley bishi bhak toh tax revenue khan opor tey hey lrely kurey, yatey laga financial aru development need ke meet kuriboley aru eneka thaki kena tax revenue toh optimize kuri di kena, itu toh hoiley ekta mamuli administrative objective hey nahoi, itu toh hoiley ekta development imperative asey. Moi khan manu laga progress, itu service moi khan deliver kuria laga, itu salary khan kharcha kuria laga, itu raasta khan banawa laga, itu salary khan moi khan diya laga, sob toh hoiley tax collection opor tey hey depend kurey, tai para aru koishey.
Add Comment