June 17, 2025, 04:44 PM: Itu muhina laga SDPDB meeting loishey, Bhandari sub division laga, kuntu toh hoiley Summer House-Cum-Guest House, Bhandari, Wokha tey para loishey, 17th June, 2025 tey.
Additional Deputy Comissioner aru Vice Chairman, SDPDB, Bhandari, Longasen Lotha NCS kun para itu meeting toh chair kurishey, tai para notun member khan ke welcome kurishey, itu house kurishey aru itu jawa muhina laga meeting laga olop homoi review kurishey.
Itu kotha khan kuria laga homoi tey, Wokha district under laga Merapani laga Nagaland State Seed Farm laga Deputy Director – H. Lawrence para issue khan thaki thaka laga opor tey inform kurishey, itu house ke, ki, itu office toh hoiley extensive sensitization aru awareness campaign khan kuri kena jaishey, jawa hapta khan tey – farm tenants, community leaders aru group khan ke target kuri kena, ekta objective thaki kena status quo maintain kuriboley, itu State Seed Farm area tey aru issue khan loboley karney, judi asey koiley, competent authority logotey, law toh nijey laga haath tey naloi kena.
Tai para aru koishey ki, bishi alag alag challenges khan thakilebi, itu department toh hoiley committed asey, bhal quality guti khan plant kuria laga material khan production kuriboley, itu farm kuria community khan nimitey, itu state laga aru tai khan para shanti nimitey appeal kurishey, itu area tey, kuntu toh hoiley sob manu khan nimitey laab hobo.
Deputy Director para itu bhi highlight kurishey ki, itu State Seed Farm toh hoiley electricity nathaki kena function kuri asey, 1969 tey establish kuria pichey para, kuntu para farm laga smooth aru efficient para function kuria ke dikdari di thakey, aru itu laga note tey, tai para concerned authority ke urge kurishey, ekta bhal supply diboley karney, itu alag laga issue khan aru problem khan solve kuriboley, itu Seed Farm tey.
Add Comment