Agartala, 17 June : Tripura sarkar etu nishina rule banai dise ki Agartala city te chola sob auto-rickshaw pink colour te paint kora thakibo lage, jate olop dangor pora chinhiba paribo.
Logot, city bahar pora ahibo thaka auto manu emergency nahole Agartala te chola dibo nokoribo.
Tripura Transport Minister Sushanta Choudhury etiya bela announce kori dise. Taik laga hissa te, etu decision traffic jam komanor karone aru city ke bishi traffic-friendly bananor karone loise.
Minister janai dise ki auto syndicate leader, gaari malik, Tripura Police laga IG, SP Traffic aru Transport Department laga officer logot consult kori kene faisla loise jate Agartala city te chola sob auto pink colour te paint kora jaibo. Bahar subdivision te chola auto original colour te he thakibo.
Taike etu bhi koi dise ki Joint Transport Commissioner sob school ke notice pathaibo, jate private vehicle, juntu laga license commercial nohoi, students nai passenger ke illegal para lobo dibo nokore.
SP Traffic ekta Standard Operating Procedure (SOP) prepare koribo juntu dora unauthorized auto manu AMC area te ahibo nohoi, eneka control koribo.
Add Comment