Manipur, 17 June : Manipur Commission for Protection of Child Rights (MCPCR) laga ekta delegation Tuesday din Imphal laga Raj Bhawan te Shri Ajay Kumar Bhalla, Honourable Governor of Manipur logot bhiya hoise. Meeting te main focus thakise ekta State Policy for Children bananor urgency aru recent pandemic outbreak karone paediatric Covid care centre alag para establish koribo laga dorkar upor te.
MCPCR delegation strongly request kori dise ki Manipur North-East laga first state hobo lage juntu by 2025 ekta full State Policy for Children implement koribo paribo. Eitu policy laga main aim ase bachha manu khan, especially juntu marginalised community para ase aru present violence te affected hoise, taikan laga problem solve koribo. Delegation Governor ke pressure disey jate Governor in Council dora etu policy approve aru enact kora jaibo.
Logot, delegation separate paediatric Covid care centre bananor dorkar bhi uthai dise, karon baccha khan te Covid case wapas barhi ase. Taikan concern express kori dise ki relief camp khan te juntu Internally Displaced Persons (IDPs) ase, taikan besi bheed-bhaad jagah te thaka karone social distancing aru dusra safety rule maintain kora na parise.
Eitu meeting te delegation sob dorkar point Governor logot clear kori dise, jate Manipur te child rights aru child healthcare bhal para protect aru improve kora jaibo.
Add Comment