Agartala, June 18, 2025: Ekta Bia khobor te. Tuesday laga Phuzur te. 3da chokra toh Badharghat laga Matripalli jagate. Fishery te gosol kuri thakhi kina panni te dubishe koishe. Etu toh Agartala laga komti manu thakhea jagate ase.
Etu murea khan toh Babi Shukla Das (18), Subuam Deb (17) aru Shubhajit Deb (17) ase koishe. Police khan laga Khobor hisab te. Charta Sathi khan toh Fishery te Gosol kuribole jaishe koishe. Hoilebi ekjun toh naja hoishe koishe. Tai toh panni khilibole najane nimete. Yete 3da chokra toh panni laga middlie te jaishe koishe. Hoilebi wapas ahibole naparea hoishe koishe. Etu pichete ekjun para kandi kina modot mangi thakhishe.
Local manu khan phaat ahishe koishe aru taikhan ke bachabole kurishe koishe. Taikhan ekjun ke tanni bole parishe. Hoilebi Hospital loi ja homoi te rasta te murishe koishe. Aru olop pichete FrieFighters khan bachabole laga operation nimete ahishe. Aru alak duijun laga Body toh panni para ulai dishe koishe.
Add Comment