Nagaland ekta important junction te ase. Development, environment kharap hoi thaka, aru economy imbalance hoijai thaka time te, ekta notun vision bishi lagi ase. Aro etu vision tu sustainability opor base thakibo lage. Sustainable Development Goals (SDGs) – etu idea tu aji laga Nagaland te sobse bishi important hoise. Jodi amikhan state ke age loi jabole bhabna ase, tate ami khan ke environment bacha, economy fix kora aru society equal banai thaka rasta bisari bole lage.
Sustainable development etu notun kotha nahoi, kintu Nagaland te bishi manu etu bujha nai, aru implement to olop jagah te he hoi ase. Policy aru project khan to development naam te ahise, kintu etu khan environment aru community ke affect kore. Bishi district te forest kati ase, river khai ase, aru sand mining bhi control nai. Kohima, Dimapur etu sob jagah te waste management nai. Etu sob progress nahoi – etu to danger laga sign ase.
Sustainability laga ekta main part ase environment ke bacha laga. Nagaland to nature pora bishi blessed ase – forest, animal, clean water, aru biodiversity ase. Kintu amikhan jhum kheti, logging aru construction nimite forest kati kena khai ase. Jodi aji environment ke bacha nai koile, future te ami khan ke food, pani aru climate problem face koribo lage. Sustainable kheti, forest management aru community laga protect program suru koribo lage. Etu habit banabo lage – khali ekta one-time program nahoi kena.
Dusra important point hoise economy sustainability. Nagaland laga economy to mostly government job opor depend ase. Sob mota maiki job nimite prepare kore, business aru entrepreneur mindset nai. Etu model long-term te natikibo. Ami khan local entrepreneur support koribo lage – bamboo industry, eco-tourism, organic kheti – enika idea khan ke encourage koribo lage. Etu nimite planning, fund aru political will important ase.
Society te bi equal development lagi ase. Development tu sob manu ke benefit dia important ase – nahoile to khali rich manu aru political connection thaka manu he bhal benefit lobole paribo. Bosti, women, youth aru backward jagah te thaka manu khan ke clean pani, education, hospital, aru internet thaka bishi important ase. SDGs etu sob point address kore – jodi ami khan etu follow koribo lage.
Education bhi bishi important role play kore. School aru college te environmental education introduce koribo lage. Student khan ke sikha dibo lage – resource bacha kora, waste kom kora, aru future ke bhal banai thaka. Church, civil society, NGO aru media bhi awareness spread koribo lage. Government ke check koribo, accountability thakibo lage.
Sustainable goals implement kora tu government laga responsibility he nahoi. Sob manu – leader, student, business manu, aru public – etu te milikena kaam koribo lage. Aji development thakile bhi, jodi nature khotom hoi jai, aru society divide hoi jai, tate etu development nahoi.
Nagaland ke development road, building aru salary te na napibo lage. True development hoise, jitya society, nature aru economy milaikena kaam kore. Sustainable goal etu ekta choice nahoi – etu necessity ase. Jodi aji start korile, future bhal hobo. Jodi rukhi thakile, late hoi jabo.
Action loi bole time to aji ase – kali nahoi kena.
Add Comment