Dimapur, 17 June 2025: Western Chakhesang Hoho (WCH), jun Chakhesang community ke represent kore Dimapur, Chümoukedima, Niuland aru Peren districts te, Deputy Commissioner, Dimapur ke ekta urgent appeal chithi diya ase, ekta Chakhesang woman ke 15 June 2025 te Niuland Road, Showuba area te moving auto-rickshaw bitore thaka time te molest aru assault kora incident te jolti aru bhari legal action lobo karone.
WCH para chithi te duita accused identify korise: ‘Adiraj Prasad alias Mughavi Zhimomi’ (Khehiko Village, Vihokhu Village laga resident) aru auto driver ‘Nur Islam’ (Dimapur te thaka, Assam laga Nagaon District laga permanent resident). WCH strongly demand korise ki etu duita accused ke pura law hisap te punishment dibole.
WCH etu bhi remind korise ki 25 February 2025 te ekta joint complaint bhi Commissioner of Police, Dimapur ke dise, juntu te ekta Chakhesang female nursing student ke District Hospital Dimapur te molest kora opor thakise. Etu time te jodi bhal aru bhari action loa hoishe koile, etu bar repeat nahoi thakibo pare.
WCH, etu serious situation nimite etu demand uthai ase:
1. ‘Bhari prosecution’ accused khan logot, law hisap te.
2. ‘Fast aru thorough investigation’ etu matter te.
3. ‘Security measures uthaibole’, patrol bhi tight koribole, jate aji laga nisena incident future te nohobo karone.
WCH administration ke urge korise ki justice thikthak hobo lage, aru women safety ke highest priority dibo lage. Chithi WCH President Dr. Chosyi Khusoh, WCYO, NCMA, WCSU laga leaders khan pora sign kora ase.
WESTERN CHAKHESANG HOHO OFFICE
Hq. Dimapur – 797112 : Nagaland
Email: [wchakhesanghoho@gmail.com](mailto:wchakhesanghoho@gmail.com)
Motto: “Chavi Aro Kiku”
Ref. No.: WCH/Rep/04/2025
Date: 17/06/2025
To,
The Deputy Commissioner
Dimapur, Nagaland.
Subject: Urgent Appeal for Strict Action against Molestation and Assault of a Chakhesang Woman
Respected Sir,
Western Chakhesang Hoho (WCH), jun ekta apex tribal body ase, jun Chakhesang community ke represent kore Dimapur, Chümoukedima, Niuland, aru Peren te, deeply disturbed ase, woman upor increasing crime laga incidents dekhi thaka karone. Etya bhi, ami khan bar bar forced hoise apuni laga urgent attention tani bole, karon ekta recent horrific molestation aru assault hua ase ekjon Chakhesang woman upor, 15th June 2025 te, ekta moving auto-rickshaw bitor, Niuland Road te Showuba area laga under te.
Perpetrators ase — Adiraj Prasad alias Mughavi Zhimomi (Khehiko Village laga resident, Vihokhu Village te bhi thake) aru auto driver Nur Islam (Dimapur te thaka, Assam laga Bapura Ati, Nagaon District laga resident). Etu dui jon ke immediately aru bhari legal action lobo lage, law te diya provision hisap te.
WCH yaad dilai ase ki WCH ekbar 25th February 2025 te ekta joint representation diya thakise Commissioner of Police, Dimapur aru apuni laga office ke, ekta Chakhesang female nursing student ke District Hospital, Dimapur te molest kora laga pichete. Etu time te jodi bhari aru example laga action lola hoishe koile, etu bar thaka nisena incident ke avoid kora jabo pare.
Etu grave situation dekhi kena, WCH etu demand kore ase:
1. Accused khan logot bhari prosecution, pura law laga under te.
2. Ettu matter te fast aru thorough investigation.
3. Security system ke uthabole, patrolling bhi tight koribole, jate aji laga nisena biya crime future te nahobo karone.
WCH expect kore ki apuni jolti aru strong action lobo jate justice thikthak mile aru woman safety ke top priority hisap te maintain kora jai.
Yours Faithfully,
(Dr. Chosyi Khusoh)
President, WCH
(Wekupe There)
President, WCYO
(Neipu Khuro)
President, NCMA
(Chose Puro)
Vice President, WCSU
(Keve Nuh)
Gen. Secy.
Add Comment