June 28, 2025, 07:48 PM: Ekta commendable initiative tey, holistic health aru alternative heal kuria laga method khan promote kuriboley karney, itu Indian Red Cross Society, Dimapur District para toh hoiley, ekta 5 din laga Acupressure aru Chiropractor Therapy Camp announce kurishey. Tatey, “On the Side of Humanity” laga theme under tey loi kena, itu event toh hoiley 28th June para shuru kuri kena 2nd July, 2025 tak tey loboley laga asey, itu Lions Health Centre, Lions Club tey, kuntu toh hoiley Dimapur Club, Midland, Dimapur tey locate thaki kena.
Deputy Commissioner, Dimapur, Dr. Tinojongshi Chang, NCS para koishey ki, itu camp toh hoiley ekta excellent opportunity offer kurey, Dimapur laga resident khan nimitey arui sir laga area khan tey, holistic treatment khan aru experience explore kuriboley, chronic ailment khan para, expert guidance under tey.
Itu DC para itu alternative heal kuria laga approach laga benefit khan highlight kurishey, koi kena ki, “kun khan toh hoiley theng (knee) laga surgery kuriboley mon nai tai khan itu laga consultation nimitey visit kuriboley lagey”. Itu camp toh hoiley valuable non-surgical solution khan opor tey focus kuri kena – bishi para bikhai thaka aru musculoskeletal (mangso-hadi) laga issue karney bhi.
Itu paach din nimitey ekta participant tey Rs 100/- registration fee hoboley asey, aru tatey teenta experience thaka practitioner khan para itu treatment khan chulai jaboley asey: Dr. Ravinder Bishnoi toh hoiley (Acupuncture tey MD asey), Th. Kailash Kumar toh (Chiropractor tey MD asey) aru Dr. Mahendra Singh (Acupuncture tey MD asey)
Add Comment