NEW DELHI, OCTOBER 1 : Telecom Companies kan ke 15 din majutte Customer Authentication nemite Aadhaar number melaidiya (linked) toh rokhaidebole kuribi aro ulaidebole kuribi koi kena Unique Identification Authority of India pora janaise. Etu kotha toh kedia Supreme Court pora Aadhaar number toh khali PAN Card aro Income Tax Department tehi melabole baribo aro baaki tusera kan sob te toh melabole nakura huijabo koi kena janaidiya bejete ula laga kotha ase koise.
Telecom Service Providers (TSPs) kura kan kobi Bharti Airtel, Reliance Jio, Vodafone Idea aro tusera kan sob ke etu kotha janaise. Etu ke Supreme Court pora 27.09.2018 te kotha mana kura hisabte TSPs kan sob logot chulti pora Aadhaar Card number toh Customer kan laga melaide kena thaka ulaidebole kuribi. Aro etu ulaidiya khobor toh 15th October 2018 nahua ahkete janaidebole kuribi koi kena janaide thakise.
Add Comment