GUWAHATI | April 6: BJP President Amit Shah pora Friday te koise ki kintoh BJP-led NDA government pora Assam te National Register of Citizens (NRC) pora loikena ker kanuni pora logaikena ahiya khan ke jinibole aro thuribole kam toh shuru kori loise, tai khan pora etu manu khan te ahiya panch saal bithor wapas bothaidibo koise.
Ekta rally te kotha korikena, Shah pora Congress ke bodnam krise ki Assam te illegal migrants khan laga diktar nimite ekko kaam koriya nai. Tai pora koise ki BJP government pora illegal migrants khan ke jinikena thurib nimite NRC laga kam shuru korise.
“Ekbar Narendra Modi wapas Prime Minister hoise koile, moi khan pora Assam te borders khan toh ekdam gara pora suraksha koribo ki foreigners khan toh charibi, jiriya tak bi logaikena ahibole naparibo” Shah pora koise.
India te March 25, 1971 laga bicchete kakos nathurikena ahiya manu khan ke wapas bothaidibole bona Assam Accord laga kotha loikena, etu BJP Chief pora koise ki Congress pora Assam Accord toh 1985 te sign korise, hoilebi etu ke kam karne koribole 2014 tak ekko koriya nai.
Tai pora koise ki etu Accord laga clause 6 toh kam te halibo nimite Modi government pora ekta committee dayar korise. Etu clause te state laga indigenous manu khan ke suraksha koribo laga kotha ase. Tai pora koise ki etu committee pora choi mohoina laga bithor te etu report toh dibo.
Shah toh pohoila Arunachal Pradesh laga Changlang district aro Manipur laga Thoubal district te rallies te kotha korise.
Manipur te, tai pora koise ki Congress laga raj samoy te state te 160 din bondh thakiya khan dekhise aro ekdam laagiya laga saman khan laga daam besi hoi jaise.
Add Comment