Media khobor hesab deh, Bollywood actor Aamir Khan laga notun film Thugs of Hindostan promote koribo karni campus manga ke Chinese university pora mananai. Thugs of Hindostan laga film promote koribo karni aji kali Khan toh China deh ase. November 8 direk India deh movie starring Amitabh Bachchan, Aamir Khan aro Katrina Kaif nesana khan pora ola thakise aro ahha hapta desh deh olabole kotha janaikena ase.
Global Times khobor hesab deh, fan khan south China’s Guangdong Province, capital Guangzhou jaga laga Guangdong University of Finance aro Economics (GUFE) deh jabole thaga ase. Hoilebe university pora campus najolabo karni cancel koridese. Etu pora tai khan hotel deh hatijabole olaise. Chinese media hesab deh, Monday din tak promotional event laga kotha toh school pora janikena thaga nai.
Khobor hesab deh, message toh khali students laga horu group majode social media pora khobor janaideya thakise. School pora etu khobor toh event nahowah agae deh, student khan kotha kora time deh Janise. Hoilebe Weibo account pora khobor janaideya toh, school pora cancel kora toh student khan besi kushi pai thaga pora ase.
GUFE laga ekta student net user Swim Xinzhu pora kowah toh, etu toh organizers laga galdi ase. Kelay koile on-campus building jolabo karni school logode apply nakora.
University laga employee pora kowah toh, ami khan etu nesana event toh agae din time dehbe thakise. Organiser khan pora agae deh khobor janaise koile enaga dekthari napapo thaga ase.
Khan’s film account laga Weibo post deh organiser’s deputy manager, Beijing-based film-promoting company pora kowah toh, ami khan film crew logode contract kori ase aro school deh communication kelay dekthari paise ami khan saijai ase.
Khobor hesab deh, Fan meet toh joldi Four Seasons hotel deh hataideya thakise aro 11 PM nesana Monday rati kothom howah thakise.
China deh Aamir Khan toh Dangal film nemide famous ase aro tai laga tusara film Secret Super Star dehbe China box office deh phal pora perform kori ase.
Add Comment