New Delhi, 28 April : 3 Idiots sequel laga khobor olop din pora ghuri ase – Aamir Khan, R. Madhavan aru Sharman Joshi ke wapas anibo kuina. Etiya speculation khatam korise, Aamir confirm kori dise ki sequel bani ase, aru itu project tu Rajkumar Hirani direct koribo.
Sequel tu first film pora 10 saal piche laga kahini agey te loi jabo kuina asha ase. Film te Aamir Khan, Kareena Kapoor Khan, R. Madhavan aru Sharman Joshi wapas ahibo kuina kui ase. Rajkumar Hirani director hisab te wapas ahibo, aru Vidhu Vinod Chopra producer thakibo.
Amar Ujala logote interview te, Aamir Khan koi dise ki tai sequel upor kam kori ase, aru itu ekta bhal aru sundor kahini ase kuina. Tai koi dise ki Abhijat Joshi aru Rajkumar Hirani khub bhal kori likhise aru plan kori dise. Tai sequel laga details bhi share kori dise.
3 Idiots, Rajkumar Hirani direct kori thaka, etia film te Aamir Khan, Sharman Joshi aru R. Madhavan tinjon bondhu hisab te thakise. Boman Irani college principal role te thakise, aru Kareena Kapoor Khan Aamir laga love interest ase. Film te Omi Vaidya bhi important role te thakise.
Itu film tu Chetan Bhagat laga novel Five Point Someone pora adapt kori banaise. 3 Idiots tinjon engineering student laga kahani aru education system te thaka pressure ke loi ghuri ase.
3 Idiots 2009 December (Christmas time) te release hoise, aru etia tak bhi Bollywood laga ekdom iconic aru highest-grossing film khan ekta ase. Itu first Indian film ase juntu ₹400 crore worldwide earn kori dishe, aru overseas box office te bhi benchmark set kori dishe. Kunba din jabo tak itu India laga highest-grossing film bhi thakise. Dhire dhire itu cult following bhi pai dise, TV te repeat airing aru OTT te streaming pora. Vidhu Vinod Chopra laga banner te produce hoise, aru film tu 3 National Award bhi jitisey
Add Comment